பாரதி நினைவுகள் -யதுகிரி அம்மாள்

-
2024 ஆம் வருடம் அக்டோபர் மாதம் நூலகத்தில் இருந்து எடுத்து வந்த கா.நா.சு. வின் இலக்கிய விமர்சன கட்டுரை நூலின் பரிந்துரையின் காரணமாக யதுகிரி அம்மாளின் பாரதி நினைவுகள் வாசிக்க விருப்பமாயிருந்தது.

கா.நா. சு. அவர்கள் பாரதி நினைவுகள் புத்தகத்தின் சில பகுதிகளையும் இணைத்திருந்தார். அதனை வாசித்த போது பாரதியை கண் முன் கொண்டு வந்த அம்மாளின் மொழிநடையே கவர்ந்திருந்தது. அதை தொடர்ந்து ஷீலா மைனியிடம் இந்த புத்தகத்தை வாங்கி வந்து நேற்று (12.1. 26 ) வாசிக்க ஆரம்பித்து இன்று காலை முடித்தேன்.

யதுகிரி அம்மாள் புதுச்சேரியில் வாழ்ந்த போது  பாரதியுடனான உரையாடல்கள் வழியாக இந்த புத்தகம் விரிகிறது. 10 வருட பாரதியுடனான அவருடைய அனுபவம் சில காட்சி தொகுப்புகளாக ஒரு சிறுமியின் பாரதியை அணுக்கமாக அறிய வைக்கிறார். பாரதிக்கும் செல்லம்மாவிற்கும் உள்ள உறவு, அவருடைய நட்புகள், அவருடைய கவிதைகள் எழுந்து வந்த சூழல்கள், உணர்வு நிலைகள் மற்றும் குழந்தைகள், பெண்களிடத்தில் கொண்ட தனித்துவமான உரையாடல்கள், சிந்தனைகள் என பாரதியின் அன்றாடங்களிலிருந்தே நம்மால் உணரும் அளவிற்கான அழகிய மொழிநடை.

அதே போல் சிறுமியாக ஒரு கவிஞனின் அலைக்கழிப்பை புரிந்து கொள்ள இயலாத சூழலையும், மனநிலையையும் குறிப்பிடுகிறார். குறிப்பிட்ட காலத்திற்கு பிறகு பாரதியில் ஏற்படும் மௌனத்தை தன்னால் புரிந்து கொள்ள இயலாமல் கொண்ட தவிப்பையும் அறிய முடிகிறது. சிறுமியாய் பாரதியின் எழுச்சியை பார்த்து விட்ட யதுகிரி பாரதியின் மெளனம் தந்த தவிப்பை நமக்குமே கடத்தி விட்டிருக்கிறார்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

வாசித்த நூல்களின் பட்டியல் - 2025

-
 1. கார்கடல் - ஜெயமோகன் 2. குரு - ஹெச்.எஸ்.சிவபிரகாஷ் 3. வாழ்வின் அர்த்தம் - விக்டர் பிராங்கல் 4. பாஞ்சாலி சபதம் - சுப்பிரமணிய பாரதி 5. சிற்பக் கலை ஆய்வு அணுகுமுறைகள் - அம்பை மணிவண்ணன் 6. கோரா - தாகூர் 7. ஒளவிய நெஞ்சம் - அமலன் ஸ்டேன்லி 8. இயற்கை - எமர்சன் 9. நவீன தமிழ் இலக்கிய அறிமுகம் - ஜெயமோகன். 10. பிரம்ம சூத்திரம் - ஆசுதோஷானந்தர் 11. ஆரோக்கிய நிகேதனம் - தாரா சங்கர் பந்தோபாத்யாய 12. இருட்கனி - ஜெயமோகன் 13. ஆரம்பகட்ட முதலாளியமும், தமிழ்சமுதாயமும் - ராஜ் கெளதமன் 14. சொல்வளர்க்காடு - ஜெயமோகன் 15. தீயின் எடை - ஜெயமோகன் 16.  தத்துவத்தில் கனிதல் - நித்ய சைதன்ய யதி 17. ஆழ்நதியை தேடி - ஜெயமோகன் 18. இந்திய தத்துவ இயலில் நிலைத்திருப்பனவும், அழிந்தனவும் - தேவி பிரசாத் சட்டோபாத்யாய 19. ஈஸாவாஸ்ய உபநிஷத் - ஓர் அனுபவம் - நித்ய சைத்தன்ய யதி 20. தலைமுறைகள் - நீல பத்மநாபன் 21. கிராதம் - ஜெயமோகன் 22. ஒரு புளியமரத்தின் கதை - சுந்தர ராமசாமி 23. காவியம் - ஜெயமோகன் 24. நீர்ச்சுடர் - ஜெயமோகன் 25. நீல நிழல் - ஜெயமோகன் 26 விஷ்ணுபுரம் - ஜெயமோகன் 27.   வாக்குமூலம் - வண்ணநிலவன் 28. களிற்று யா...
மேலும் படிக்கவும்

"அப்பா"- சிறுகதை

-
அலாரம் அடித்துக் கொண்டிருந்த கடிகாரத்தை கண்ணைத் திறக்காமலே முகச் சுளிப்போடு அணைத்தாள் ராணி. தன்னை அணைத்துப் படுத்திருக்கும் இரண்டு வயது மகனை மெதுவாக விடுவித்து எழுந்தாள். மூன்று மாத கருவின் சுகவீனம் காரணமாக எழுந்த உடனே அவளுக்கு குமட்டிக் கொண்டு வந்தது. கழிவறைக்கு சென்று வந்த பிறகு ஓரளவிற்கு ஆசுவாசமாக இருந்தாலும் தலைசுற்றல் லேசாக இருந்தது. சிறிது நேர ஓய்வை வேண்டிக் கெஞ்சியது அவளது உடல். படுக்கை அறையிலேயே உள்ள நாற்காலியில் சாய்ந்து உட்கார்ந்த போது இன்று வரவிருக்கும் தனது பெற்றோரை எண்ணி அவளது எண்ணங்கள் எங்கெங்கோ சென்றது. இரண்டு வருடத்திற்கு முன்னால் கிராமத்தில் சிறிய வீட்டில் வசதி குறைவாக இருந்த போதும் ஒரு இனிமையான வாழ்வாக இருந்தது. ஏனோ அப்பாவிற்குத்தான் தன் மகள் மாதச் சம்பளத்தில் சிக்கனமாக குடும்பம நடத்துவது அவர் கெளரவத்திற்கு இழுக்கு என்பது போல் உணர்ந்து வீட்டிற்கு வரும் நாட்களில் என்னிடமும், என் அத்தானிடத்திலும் குடைச்சல் கொடுக்க ஆரம்பிக்க பிரச்சினை பெரிதாக வெடிக்க ஆரம்பித்தது. பிரச்சினைகளோடு மல்லுக்கட்ட முடியாமல் போகவே அத்தான் விஷம் அருந்தி விட்டார். இப்படியான எண்ணங்கள் மனதில் மோதிக் ...
மேலும் படிக்கவும்

கர்நாடகா பயணம் - 4

-
படம்
         மதுரை, விருதுநகர் போன்ற வறட்சியான இடங்களிலிருந்து வந்த எங்களுக்கு குளுமையான பருவநிலையும், காவேரி ஆற்றின் தண்ணீரும் எங்களை உற்சாகமாக பயணிக்க வைத்தது. 15 நிமிட பயணத்திற்கு பிறகு டுபாரே யானைகள் காப்பகத்திற்கு வந்து சேர்ந்தோம்.           காவேரி ஆற்றங்கரையில் டுபாரே  யானைகள் காப்பகம் அமைத்திருந்தது. மற்ற இடங்களைப் போல் அல்லாமல் இங்கு ஆற்றில் நீர் பெருக்கெடுத்து ஓடிக் கொண்டிருந்தது. பெரியதும் , சிறியதுமான பாறைகளில் நீர்ப் பெருக்கு மோதி நுரைத்து வெண்ணிறமாக காவேரி வழிந்தோடிக் கொண்டிருந்தாள். நதியின் ஆழத்தில் நீரில் தோய்ந்து உருண்டு சிறுத்த கூழாங்கற்கள் சிரித்துக் கொண்டிருந்தன. மக்கள் வெள்ளத்தோடு  நதியின் பேரோசையும் எங்களை அன்போடு வரவேற்கும் உணர்வை அடைந்தேன். இங்கு படகு சவாரியும் இருந்தது. ஆனால் யானைகள் காப்பகத்திற்குச் செல்ல காவேரி ஆற்றினை நடந்து கடக்க வேண்டியிருந்தது. படகு சவாரிக்கு டிக்கெட் எடுக்க கூட்டம் அதிகமாக இருந்ததால், நாங்கள் அதை தவிர்த்து விட்டு காவேரியை கடக்க ஆற்றிற்குள் இறங்கினோம். ...
மேலும் படிக்கவும்